فمان الله

فمـان الله يا حبٍ . . حدانـي عنّه المقسوم

. . . توادعنـا ولا ظنـي بعـد هاليـوم . . نتواجه

حبست الدمع في عيونٍ تعاني لوعة المحروم

. . . . هذاك اللي يموت . . ولا يمد الكف للحاجه

صحيح الوقت لو يصفـى فلا له مستقر ودوم

. . . . لكن العبد لا ضاقت علـى الله جل مخراجه

نعيش العمر مانحسب يمرّ الشهر مثل اليوم

. .  . ونصحى والعمر مقفي ولا ينعاد مونتاجه

عليم الله للذكرى . . في ليل العاشقين نجوم

. . . . تهّول من يشاهدها . . كثر ماهي بوهاجه

وكلن في الهوى مبلي تغشاه العتب واللوم

. . . يرد الآه في صدره  قبـل لا تسبب إحراجه

ذكرتك ليلة البـارح . . وعيّـا لا يجيني النـوم

. . . ورحت اراجع الماضي وافتش داخل ادراجه

لقيتك داخل احلامي . . تناديني متـى بتقوم

. . . وطاح الدمع من عيني يدور سكـة افراجه

شعرت اني بعد هجرك حزين وكل ابوي هموم

. . تصافقبي رياح الشوق وقلبي طافي سراجه

رياحٍ هبت افـ صدري هبايبها تقـول : سهوم.!!

. . . الين القلب وادعني . . وطاح محطم سياجه

عزاي إني وقفت . . ولا رضيت بكلمة المهزوم

. . وانا ماني من اللي لا خسر يعقدلك احجاجه

فمان الله والظالم . . نسى وش دعـوة المظلوم

. . . وهو متقبّل القبله شكـى من شدّة الحاجه

                  الشاعر ماجد القرشي